بالصورة: ماذا فعل الجيش السوري بدينا هارون؟

نشرت الممثلة السورية دينا هارون، رسالة مؤثرة تتوجه فيها بالشكر للجيش العربي السوري..
دينا كانت قد أضاعت حقيبتها خلال تواجدها بالقرب من أحد الحواجز، وفي الحقيبة جواز سفرها وهويتها الشخصية بالإضافة إلى الذهب والمال.
شكرت هارون الجيش الذي رفض أي هدية منها، كما قالت، وكان كل همهم أن تكون محتويات الحقيبة كلها موجودة ولم تُسرق، فكتبت:
“ولسه البعض بيسأل ليش بحب الجيش العربي السوري .. وقالت حرفياً:
من بعد حادثة مبارح نمت مدايقة طبعا .. اليوم رديت على اتصال من ناطور بنايتي عم يقلي مدام دينا شباب الحاجز بدن يشوفوكي ومعن شنتايتك اللي ضاعت مبارح .. نزلت وفرحانة كتير انو جواز سفري وهويتي وكل وراقي رجعوا .. بس مااتوقعت انو تكمل سعادتي بعدم فقدان اي غرض من الشنتاية .. ان كان دهب او مصاري او اي شي تاني .. حاولت انو اعطيهن المبلغ الموجود كلو بالشنتاية ماقبلو ابدا .. حاولت قدملن هدية رفضوا وكان الجواب انو نحنا كل همنا يكون مافي شي ناقص من غراضك وتكوني مرتاحة .. الشنتاية طلعت انا نسيانتا بالغلط على ضهر السيارة ووقعت مني عند الحاجز والمسافة كانت قريبة من بيتي .. الشباب دورو الصبح علي بنايتي لعرفو انا وين ورجعولي الشنتاية .. شكرا لأغيد وزميلو اللي كان معو .. الله يحميكن ويحمي كل الجيش وسوريا .. وشكرا سيادة العميد والمقدم والملازم اللي ساعدوني مبارح بالمخفر .. والكن اصدقائي اللي دعواتكن الي كان فضلا كبير برجوعن .. بحبكن كتير شكرا . بعتذر عن الاطالة بس كان مهم اشرحلكن شو صار بالضبط”.